As vosas opinións (2)

Aquí volvo con novas opinións sobre Bágoa de Lúa!

Desta volta, son as rapazas do Clube de Lectura da Biblioteca do IES de Poio as que contan que lles está a parecer o libro no seu blog Os Trasnos dos Libros (no enlace van as entradas marcadas coa etiqueta Crónicas de Landereina, pero hai máis opinións sobre outros libros, non volas perdades!).

No blog podedes escoitar un audio coas súas primeiras impresións e ler unha reflexión moi interesante que compara a Berenguela con Mónica, de Dragal, e Katniss de Los Juegos del Hambre.

Grazas ao IES de Poio polas vosas opinións, esperamos ver que vos parece a continuación do libro!

Vós tamén lestes Bágoa de Lúa? Queredes opinar? Non dubidedes en contalo nos comentarios. Tamén podedes pegar o enlace se escribistes sobre o libro no voso blog, encantaranos compartir as vosas opinións co resto de lectores/as.

Lémonos!

As vosas opinións

Como vos dixen, vou contándovos cousas destas últimas semanas pouco a pouco.

Agora tócalle o turno ás reseñas. Coma sempre, podedes ver a relación de reseñas que fumos recopilando neste apartado do blog, ao final da Galería.

No blog As Estelas dos Ronseis podedes atopar comentarios das lecutras de moitos libros da man de rapaces e rapazas.

Entre eses libros está o meu Bágoa de Lúa (faime ilusión, claro que si!).

 Podedes dar con el e as súas reseñas na categoría "Fantasía", aquí. Pero, aviso, ollo!, algunhas das críticas conteñen información sobre o libro que vos pode estragar algunha sorpresa se non o listes aínda.

Tamén dei cunha reseña máis no blog de O Levantador de Minas. Podedes lela aquí.


Moitas grazas a todos e todas polos vosos comentarios, as vosas gabanzas e as vosas críticas.

Lémonos!

          

Ollo coa reentrada...

...que iredes dando botes :) 
Iso supoño que será se tivestes vacacións. Eu aínda non tiven vacacións "de verdade", pero si que puiden descansar un chisco. Aínda que tamén fixen cousas...
 Lembrades o álbume que me regalaron? Por fin tiven un anaco para ir enchéndoo dos recortes das entrevistas e outras aparicións. Sobra dicir que o fixen con menos xeito que a artífice do agasallo, pero non con pouca ilusión. Segue a ser abrumador verse en papel impreso e aínda queda o outono por diante para seguirmos a promocionar Bágoa de Lúa, así que espero poder seguir enchendo as páxinas para o recordo.
Agosto foi mes tranquiliño (tampouco viña nada mal), pero xa logo volvemos con forza.

Abonda de min. Que tal o voso verán? Listes algo interesante? Contádeme! Os comentarios son todos vosos.

Que teñades unha boa entrada de setembro :)
Lémonos!

Novidades na Galería

Nas últimas semanas houbo algunhas aparicións en prensa de Bágoa de Lúa (e de min, que vou no pack, claro).

Xa vos falara da reseña de Ramón Nicolás no seu blog , pero estes días engadimos varias cousas, como o escaneo da reseña na edición impresa de La Voz de Galicia.
Tamén, con certo atraso, colgamos a entrevista feita para a Radio Galega o pasado sábado día 10 de agosto, no programa Somos Quen (atoparédela no minuto 32' 10") e outra entrevista máis publicada en El Progreso.

Ímonos poñendo ao día de aparicións en prensa e non só na web, senón tamén neste álbum tan bonito que me regalaron. Así dá gusto!

Máis novas

Que rápido pasan as cousas!

Unha nova crítica

Hoxe fixen a miña primeira entrevista para a tele, podedes vela hoxe en Localia Vigo, no programa Plató Abierto (ás 18:30 e ás 21:00).

E as boas novas seguen chegando, onte, en forma de reseña da man de Sermos Galiza e Mario Regueira (xa na galería, e aquí).

Ademais, vouvos avisando de que estaremos con Bágoa de Lúa na Feira do Libro de A Coruña, o día 2 de agosto ás 20:00 (non vos vai esquecer, que o penso repetir).

Seguiremos informando! 

Novas!

Hoxe foi día de moitas cousas!

Para comezar, o blog de Editorial Galaxia publicou un artigo de opinión meu (e esas cousas sempre molan).

Tamén se publicou unha nova reseña de Bágoa de Lúa: xa lles fixemos sitio ás reseñas na páxina da galería, esta podes lela tamén no blog de Lectureka!.

E ademais fixen unha nova entrevista, desta volta, para RNE. Podedes escoitala na Crónica de Galicia de hoxe, aló polo minuto 14'30" (e si, xa sei que teño que ir collendo máis soltura, pouco a pouco!)*.

Seguimos traballando! Boa semana!

*Actualización 17/07/2013: Neste enlace temos o corte da entrevista completa.