Primicia no Salón do Libro Infantil e Xuvenil de Pontevedra

Vouvos contando, con atraso e pouco a pouco, das visitas da semana pasada. Non era sen tempo, verdade?

O día 27 de marzo, como vos dixera, tivemos ocasión de presentar Bágoa de Lúa no Salón do Libro Infantil e Xuvenil de Pontevedra, cos alumnos do IES Torrente Ballester da mesma vila. Ademais, esta presentación foi abondo especial, pois lin as dúas primeiras páxinas de Feitizo de Sangue, a segunda parte das Crónicas de Landereina (que tan atarefada me teñen!). Tedes aquí a nova no blog de Galaxia.

Non vos vou enganar: púxenme abondo nerviosiña... O meu editor estaba alí e nin sequera as lera antes! Con todo, parecía contento... :D

Con @landereina no Salón do Libro para presentar 'Feitizo de sangue', segundo libro de 'As crónicas de Landereina' pic.twitter.com/IEgBihYAVi
— Francisco Castro (@chamademesimbad) March 27, 2014